तुलसी जीवन वृत्त
=============
(मानस माहात्म्य भाग-04)
मैना हिमांचल मगन बहु देवर्षि अंक सुता कहे।
पति हेतु शिव तप कीन्ह गिरिजा देखि सुर हर्षित रहे।
नभगिरा पावन प्रकट पुनि पति रूप शिव कर फल लहे।
श्री राम संभु समीप जाइ विवाह हित अनुनय गहे।।
सप्त ऋषिहिं समुझाइ शिव उमा निकट सब जाउ।
प्रेम परखि गिरजहिं सकल प्रेरित भवन पठाउ।।
तारक असुर भय त्रान सब मिलि देव मनसिज पहिं गये।
शिव साधना रत विरत हित सुर विनय मन्मथ सन किये।
दुख देखि सुर कन्दर्प शिव तप भंग हेतु जतन किये।
शिव कोपि खोलेउ नेत्र तीसर भस्म काम तुरत भये।
पति दशा देखि रति रोदति विलाप करै
विनय करत शिव सन्मुख जाइकै।
अबला विकल देखि शिव जी द्रवित भये
दीन्ही शिव सान्त्वना सुवचन सुनाइकै।
बिनु देह ब्यापै नाम अनङ्ग विदित जग
कृष्ण अवतार पति मिलन तुम्हार है।
द्वापर मिलन पति रूप कृष्ण सुत तव
माया प्रभु शिव की न जग पाये पार है।।
शिव समीप मिलि जाइ सब देवन्ह विनती कीन्ह।
अब विवाह तुम्ह करहुं शिव, शिव अनुशासन दीन्ह।।
सप्त ॠषिहिं गिरिजा मिलि गये हिमांचल गेह।
शिव विवाह दिन नियत लखि उर उपजा अति नेह।।
रचनाकार—— डाॅ. प्रदीप दूबे
(साहित्य शिरोमणि) शिक्षक/पत्रकार
आधुनिक तकनीक से करायें प्रचार, बिजनेस बढ़ाने पर करें विचार
हमारे न्यूज पोर्टल पर करायें सस्ते दर पर प्रचार प्रसार।













