सूरज उगले से… (कजरी)
सूरज उगले से देखा अँजोर होला,
सुबह-सुबह भोर होला ना।
चिड़िया चहके डाली-डाली,
टपके होंठवा से लाली।
देखि-देखि सबकर मनवाँ विभोर होला,
सुबह-सुबह भोर होला ना।
सूरज उगले से देखा अँजोर होला,
सुबह-सुबह भोर होला ना।
जाले दुबक कहीं पे रात,
पवन लुटावेला खैरात।
भौंरा कलियन के सुना चित्तचोर होला,
सुबह-सुबह भोर होला ना।
सूरज उगले से देखा अँजोर होला,
सुबह-सुबह भोर होला ना।
ओस मोती जइसन चमके,
बगिया फूलोंवाली गमके।
उनके लहजा से जइसे कउनों शोर होला,
सुबह-सुबह भोर होला ना।
सूरज उगले से देखा अँजोर होला,
सुबह-सुबह भोर होला ना।
चाँद-तारन कै विदाई,
किरन रोशनी बिछाई।
पूरे गन्ना में रस पोर-पोर होला,
सुबह-सुबह भोर होला ना।
सूरज उगले से देखा अँजोर होला,
सुबह-सुबह भोर होला ना।
जइसे गदराइल ऊ हवा,
खाके लोग होने जवाँ।
दिन उगानी तक सोवे,बकलोल होला,
सुबह-सुबह भोर होला ना।
सूरज उगले से देखा अँजोर होला,
सुबह-सुबह भोर होला ना।
गीतकार— रामकेश एम. यादव, मुम्बई
आधुनिक तकनीक से करायें प्रचार, बिजनेस बढ़ाने पर करें विचार
हमारे न्यूज पोर्टल पर करायें सस्ते दर पर प्रचार प्रसार।