गिनती की सांसें (निर्गुण)
गिनती की सांसें (निर्गुण)
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
पाप और पुण्य कै ई बाटे दुई डगरिया,
दुई दिन कै जिनगी बा, छूटी ई बजरिया।
सोनवाँ जस देहियाँ के दीहैं लोग जलाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
मोह के तू खोह में न सूता ऊ मचनवाँ,
गरदा जमें न पावे, मन के गगनवाँ।
मिली प्रभु जी कै दर्शन जब करबा सफाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
खोजा अपने नइया कै अब तू खेवइया,
बहुत खाई चुकला तू अब तक मलईया।
छूटी घर-द्वार और छूटी ऊ लुगाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
गिनती की साँसें तू बेकार न गँवावा,
छल औ कपट से न तनिको सजावा।
पिंजड़ा से सुगवा अकेले उड़ी जाई,
लूटा मत दुनिया के सुना मेरे भाई।
फूटल कौड़ी साथ में केहू न लेके जाई,
लूटा मत दुनिया के सुना मेरे भाई।
रामकेश एम. यादव मुम्बई
(कवि व लेखक)
आधुनिक तकनीक से करायें प्रचार, बिजनेस बढ़ाने पर करें विचार
हमारे न्यूज पोर्टल पर करायें सस्ते दर पर प्रचार प्रसार।